Storia

NATALI BOSINI

FERNANDO COVA - 19/12/2014

Speri Della Chiesa Jemoli nacque a Varese il 25 dicembre 1865 e morì a Varese il 9 gennaio 1946. Durante la sua vita produsse una copiosa quantità di novelle, sonetti, canzoni, madrigali, bosinate che era solito firmare con lo pseudonimo “Try Ko Kumer”.

Ecco una poesia sul Natale del nostro maggior poeta scritta nel 1898: Speri della Chiesa era nato proprio nel giorno di Natale del 1865.

NATAL

L’è Natal anca incœu. Tutt i ann el riva
E sempr’ all’istess dì…
Col sò làor, col sò incens, cont la soa piva…
Anca quest’ann l’è chì…

L’è Natal … l’è Natal !… Sú, donca, allégher !…
Cossa l’è sto muson?…
Quest l’è on dì de legrìa; i idej négher
Vann casciaa in d’on canton !…

Oh, beatt i bagaj, che in sta giornada
No gh’hann alter cuntee
Ch’el Preseppi, el Bambin, la gran pacciada,
E la pianta, e i bellee !

Lor hinn i únich che pò godè sta festa
Senza vess tossegaa
Dal velen di penser che nass in testa
Cont el cress de l’etaa:

Quell velen che ghe ciammen «esperienza»,
Che, quand vun l’ha bevuu,
El pò dì (rivaa in fin dell’esistenza)
Per coss’è ch’hoo vivuu?…

Solitamente allegro, in questa poesia e nella successiva, esprime sentimenti non consoni alla sua giovane età, aveva solo trentatre anni.

I R E M A G

Sparissen vœunna a vœunna ï illusion,
Instess comè i cavej
Che cròden, cròden, senza mai vedej…
E quand ch’el sariss giusta el moment bon
De crêd in d’on quaicoss, per dagh calor
A sta ciolla d’on cœur, ch’el se fa frecc
Cont pú ‘l diventa vecc,
S’è nanca in câs de credes de per lor !…

Tutt sti robb mi i pensavi l’alter dì
Quand, sentend a sonnà i campann in pee, (ı)
Me tornava in la ment qui temp indree
Che i Remâg me rivaven anca mì…

Che emozion !… Che de fa !… Che aspettativa!…
Non se insognava d’alter che piva…
De pan d’or….di trii Rè cont el camèll
Caregaa de figh secch e zaccarell,
Che impieniven la scarpa o ‘l cavagnoêu…

E inscambi, al dì d’incoêu?…
Pú nagott! I Remâg che riva in cà
Hinn i cunt de pagà…
E la piva (che quell, pœu, l’è ‘l pussee)
Oramai la s’incanta già anca lee!….

(1) “Campann sonnen in pee ” quando son tirate ritte per suonare in concerto “gloria” nelle solennità.

In questa poesia, sempre del 1898, Speri ci ricorda che alla festa dei Re Magi si gustava il “cammello”, tradizione tuttora in auge.

Buon Natale a tutti!